Santali Folk Songs (Hor Sereng) | সাঁওতাড়ী হড় সেরেঞ - ইতিহাস ও প্রকারভেদ

Santali Folk Songs (Hor Sereng)
Written By: Mahadeb Hansda

In this world, all literature initially advanced through oral traditions. The Vedas, Upanishads, Ramayana, etc., were first practiced and passed down orally. Because it was learned by hearing, another name for the Vedas is 'Shruti'. Similarly, in Santali literature, tales, myths, prayers, chants, songs, and riddles have all come down through oral traditions. Today, this is known as oral literature. Some people also call it Folk Literature (Hor-Saonhet).

The oral literature of the Santali language is very ancient and rich. There is much to compare, discuss, and research regarding every aspect of it. Here, we will focus solely on the aspect of songs (Sereng).

Santali Songs (Sereng)

The greatest identity of the Santal people lies in their songs. Songs are the fountain of joy. However, it is not that Santals sing only for joy. In hunger and thirst, in sorrow and hardship, in work and labor, in worshipping deities and nature—they sing in every situation. From birth to death, the life of a Santal is filled with songs. It is said that without songs, life is meaningless.

Songs of Various Melodies

Based on melody or rhythm (Rar/Raha), Santali folk songs can be divided into many categories. For example: 1) Dong 2) Lagre 3) Dasai 4) Sohrai 5) Baha 6) Karam 7) Sendra 8) Pata 9) Dahar 10) Galwar 11) Matwar 12) Danta 13) Rinja 14) Kahni 15) Herheng, etc.

• 1. Dong Sereng: 'Dong' is the song for Santal marriages and naming ceremonies. Based on rhythm, Dong is further divided into many parts. Such as—Sojhe Dong, Budhi Dong, Nehor Dong, Miki Dong, Ramra Ring Dong, Bar Taram Dong, Pe Taram Dong, and Balara Dong. Although they are all Dong songs, the rhythm varies between the dance during the wedding, the presentation of the bride price (Tuki Ten), and the turmeric smearing ceremony.
• 2. Lagre Sereng: There is no specific day for Lagre. Lagre is sung at the end of festivals or while resting from work. Lagre dance and songs take place in the village courtyard (Akhra). Therefore, the Akhra is worshipped before the singing and dancing begin.
• 3. Dasai Sereng: Dasai is the song of the Guru and his disciples wandering through the land. Through the songs, the disciples ask questions, and the Guru answers them. It has two parts: Bhuang and Laboy. Songs sung with the Bhuang instrument are Bhuang Sereng, and those sung with cymbals (Kortal) and drums (Tamak) are Laboy.
• 4. Sohrai Sereng: Sohrai is the biggest social festival of the Santals. Because of its greatness, it is often compared to an elephant. It is a festival of five days and five nights. Along with Sohrai songs, Danta, Sarpa, Galwar, Matwar, Rinja, and Dahar are also sung.
• 5. Baha Sereng: Baha is a religious festival of the Santals. The deities are worshipped at the sacred grove (Jaher Than) with new leaves and new flowers. The rhythm, wordplay, and aesthetic flow of Baha songs feel very poetic.
• 6. Karam Sereng: Karam is a festival of nature and deity worship. Karam is divided into four types: Jiwet Karam, Bonga Karam, Gur Karam, and Disom Karam.
• 7. Sendra or Bir Sereng: The relationship between Santals and hunting (Sendra) in the forest is very close. The songs sung by hunters in the forest are called Bir Sereng (Forest Songs). Because the lyrics often contain explicit or shameful content, they are sung far from the village.
• 8. Pata Sereng: Songs sung at the Pata festival grounds are Pata Sereng. The expressions of deep love and affection vividly shine through these songs.
• 9. Herheng Sereng: Songs sung to relieve fatigue while working or planting in the fields are called Herheng Sereng. The rhythm of these songs sounds almost like crying or wailing.
• 10. Kahni Sereng: Songs that are integrated into the middle of telling stories or folktales are called Kahni Sereng.

The Inner Meaning of the Songs

Our ancestors sang:

"Sing to eat, sing to burn,
The song remains sweet in the heart,
Songs are meant to be shared!"

Who composed the Santali folk songs and when, is difficult to say. It is true that they were not created by a single person or in a single era. From great Gurus to humble herdsmen and working girls, everyone contributed to these songs. Based on their inner meaning, they can be categorized into: 1) Social Songs, 2) Binti Songs, 3) Deity Songs, 4) Historical Songs, 5) Philosophical Songs, and 6) Love Songs.

Social Songs

Naming, marriage, and funeral—these three encompass human life. Life is filled with laughter, tears, joy, sorrow, union, and separation. When a newborn sees the light of the world, everyone overflows with joy:

"Dum kese dumeday miru hopon...
I carry the little parrot in my arms..."

But the child does not remain in the arms forever. They grow up, and if there is no wealth in the house, sorrow follows:

"The daughter grew up, but there are no suitors,
The son grew up, but there is no wealth..."

Binti (Mythological) Songs

According to Santal mythology, the first humans were Pilchu Haram and Pilchu Budhi. They hatched from the eggs of the Hans-Hansil birds in the middle of the ocean. Songs describe their journey through Hihiri Pipiri, Khoj Kaman, and eventually to the land of Champa. When they lost their beautiful fort of Champa, the sorrow was captured in songs:

"The fort of Champa was so beautiful,
Alas! We had to leave the fort of Champa!"

Historical Songs

The Santals are an ancient race. We may not have written history, but through various eras, blood has been shed. The Santal Rebellion (Hul) of 1855 led by Sidhu and Kanhu, the struggles of Tilka Murmu, and participation in India's freedom movement are immortalized in songs:

"We will rise, we will fight,
No one stands with us, yet we will rebel!"

Conclusion

The literary value of these folk songs is immense. They utilize high-level rhythms, meters, and figures of speech. Synonyms are frequently used in Baha songs. Sadly, due to oral transmission, words are slowly being lost or distorted. It is said that words find their sweetness in rhythm. However, a song with deep meaning lives longer. Santali folk songs possess this quality, keeping them alive for ages. It is our collective duty to preserve these hidden gems for the future.

---

সাঁওতাড়ী হড় সেরেঞ
লেখক: মহাদেব হাঁসদা

ধারতি রেয়াঃ জত সাঁওহেৎগে লাহা দ থুতি লেকাতে তাঁহেকানা। বেদ, উপনিষদ, রামায়ণ এমাম ইঁ লাহা দ মচা মচা তেগে চারচা হেচ্ আকানা। আজম কাতে সেঁড়ায় হোয়োঃ হঁতেতে বেদ রেয়াঃ আর মিৎ এ্যুতুম দ কানা - ‘শ্রুতি’। সানতাড়ি তেহঁ গাম, কাঁহনী, বিনতি, বাঁখেড়, সেরেঞ, কুদুম এমাম যতগে মচা মচাতে সে থুতি লেকাতে হেচ্ আঁগু আকানা। তেহেঞাঃ দিনরে নওয়া কদ থুতি সাঁওহেৎ সে রড় সাঁওহেৎ বন মেতাঃ কানা। আদম কদ হড়-সাঁওহেৎ সে লোক সাহিত্য হঁক মেতাঃ গেয়া।

সানতাড়ি পারসি রেয়াঃ রড়-সাঁওহেৎ দ আঁডিগে মারেয়াঃ আর কিসাঁড়া। নওয়া রেয়াঃ মিমিৎ পাহটা ইদি কাতে আয়মা তুলীযখা, গালমালাও আর খঁদর্ঁদ তেয়াঃ মেনাঃ আকাদা। নডে আব দ একেন সেরেঞ পাহটা তেৎ বন গালমারাও লেগে।

সানতাড়ি সেরেঞ

সানতাড় হপনাঃ জত খন মারাং ওনোরোম দ মেনাঃ আ- সেরেঞরে। সেরেঞ দ রৗস্কৗ রেয়াঃ ঝারণা কানা। মেনখান সানতাড় দ একেন রৗস্কৗ জং গেক সেরেঞা অনকা দ বাং। রেঁগেচ্ রে তেতাংরে, দুকরে হারখেতরে, কৗমিরে কৗসনিরে, বঁগায়রে বুরুয়রে জত জখান গে সেরেঞ ক অঁড়তিয়া। মিৎ কাথাতে জানাম খন গুজুঃ হৗবিচ্ জত জখান গে সানতাড় হপনাঃ দ সেরেঞ আর সেরেঞ। আচ্ কাথায় সেরেঞ বাদ কাতে জিয়ন দ মিছৗ গেয়া।

নানা-হুনীর রাহা রেয়াঃ সেরেঞ

রৗড় সে রাহা লেকাতে হাঁটিঞ লেখান হড় সেরেঞ দ আয়মা থকরে হাঁটিঞঃ আ। জেলেকা - ১) দং ২) লৗগড়ে ৩) দাঁশায় ৪) সহরায় ৫) বাহা ৬) কারাম ৭) সেঁদরা ৮) পাতা ৯) ডাহার ১০) গলওয়ার ১১) মাতওয়ার ১২) ডানটা ১৩) রিঁজা ১৪) কাঁহনি ১৫) হেড়হেং এমাম।

• ১) দং সেরেঞ: 'দং' দ হড় হপনাঃ বাপলা আর ছৗটিয়ৗর অকতে রেয়াঃ সেরেঞ কানা। রাহা রেয়াঃ ভাড় লেকাতে নওয়া দং দ আরহঁ আয়মা হাঁটিঞতে মেনাঃ আকাদা। জেলেকা- সজহে দং, বুডহি দং, নেহর দং, মিকী দং, রামড়া রিং দং, বার তাড়াম দং, পে তাড়াম দং আর বালারা দং এমাম। বাপলার এনেচ্ অকতে রেয়াঃ দং সেরেঞ মা মেনাঃ গে, টুঁকি তেন (টাকা চাল) আর সুনুম সাসাং অজঃ অকতে রেয়াঃ দং রেহঁ জুদী রাহা মেনাঃ আকাদা।
• ২) লৗগড়ে সেরেঞ: লৗগড়ে রেয়াঃ দ জাঁহান নেভা মাহা দ বৗনুঃ আকাদ। পরব পরবাস রেয়াঃ মুচৗৎরে বাখান কৗমি লৗগা জিরৗও জহঃ লৗগড়ে দক সেরেঞা। আতোরে দ মাঁঝি আখড়ারে লৗগড়ে এনেচ্ সেরেঞ হোয়োঃ আ। অনাতে আখড়া বন্দনা কাতে এনেচ্ সেরেঞ ক এহবা। কাথা গাবান আর রাহা লেকাতে লৗগড়ে ইঁ নানা হুনীর থকতে হাঁটিঞ আকানা। জেলেকা- এতহপ্ লৗগড়ে, শিকারীয়া লৗগড়ে, সজহে লৗগড়ে আরহঁ এমাম।
• ৩) দাঁসায় সেরেঞ: দাঁসায় দ গুরু আর চেলা কওয়াঃ দিসম সাঁধার রেয়াঃ সেরেঞ কানা। সেরেঞ তালাতে গুরুঠেন চেলা কদ কুকলি ক দহয়া আর গুরু দ অনা রেয়াঃ তেলায় এমা। দাঁসায় বঁগা হোয়ঃ হতেতে নওয়া পরব রেয়াঃ এ্যুতুম ইঁ দাঁসায় হোয় আকানা। দাঁসায় রেয়াঃ দ বারয়া হাঁটিঞ মেনাঃ আকাদা। মিৎ দ ভুয়াং আর মিৎ দ লবয়। ভুয়াং আতে সেরেঞ লেখান ভুয়াং সেরেঞ আর লবয় করতাল, টামাক এমনাতে সেরেঞ লেখান অনাদ লবয় ক মেতাঃ আ। ভুয়াং আর লবয় রেয়াঃ সেরেঞ ক দ মিৎ গেয়া; একেন তাড়তেৎ গে ভিনী আ। ভুয়াং সেরেঞ দ 'হায়রে হায়রে' তাড় আতেক এহবা; মেনখান লবয় দ 'হীরি হীরি' তাড় আতে ক এহবা।
• ৪) সহরায় সেরেঞ: সানতাড় হপনাঃ জত খনাঃ মারাং সামাজিয়া পরব দ কানা সহরায়। মারাং হতেতেগে হাতি লেকান পরব ক এ্যুমাকাদা। সহরায় দ মড়ে সিঞ মড়ে ঞিদৗ রেয়াঃ পরব কানা। জেলেকা- পৗহিল হিলোঃ দ উম, দসার হিলোঃ দ বঁগায়, তেসার হিলোঃ দ খুনটাঁও, পোনাঃ হিলোঃ দ খুনটি তোঃ আর মড়েয়াঃ হিলোঃ দ কানা জালে। সহরায় পরবরে সহরায় সেরেঞ মা মেনাঃ গে, ডানটা, সাড়পা, গলওয়ার, মাতওয়ার, রিঁজা, লুহরি, গুঁজর, ডাহা ক সেরেঞা। ডাহার সেরেঞগে আদম করে দ 'দুরকজং' ক মেতাঃ আ।
• ৫) বাহা সেরেঞ: বাহা দ হড় হপনাঃ ধরম রেয়াঃ পরব কানা। জাহের থানরে নাওয়া গেলে নাওয়া বাহা আতে বঁগা বুরু বখাও ক হোয়োঃ আ। বাহা দ পে মাহা রেয়াঃ পরব কানা। জেলেকা- উম, সৗরদি আর বাহা বাসকে সে জালে। বাহা সেরেঞ রেয়াঃ ছন্দ, কাথা গাবান আর সনদর ধারা দ আঁডি মজ অনড়হৈ লেকাঃ আটকারঃ আ। বাহা-ডাহার গে আদম করে দ হুমটি সেরেঞও মেতাঃ আ।
• ৬) কারাম সেরেঞ: কারাম দ বঁগা বুরু রেয়াঃ পরব কানা। বিনতি রেয়াঃ কাথা লেকাতে, কাঁরমু আর ধারমু অকা লেকারে কারাম গঁসায় কিন মানাও কেদেয়া, অনাগে কারাম রেয়াঃ এতহপ্ দ। কারাম দ পোন লেকাতে হাঁটিঞ আকানা। জেলেকা- ক) জিওয়েৎ কারাম, খ) বঁগা কারাম গ) গুর কারাম, আর ঘ) দিশম কারাম সে দিসুওয়ৗ কারাম। অনা বেগর, আদম করে দ ডাঁগুওয়ৗ কারাম আর বুডহি কারাম হঁক মেতাওয়াঃ আ। নওয়াক কারাম রেয়াঃ আরিচাল, বঁগা বুরু আর সেরেঞ দ যুদী যুদী গেয়া।
• ৭) সেঁদরা সে বির সেরেঞ: সেঁদরা কারকা সাঁও হড় হপনাঃ সৗগৗই দ আঁডিগে সোর আ। সুতান টান্ডি সে গিপিতিচ্ টান্ডিরে শিকারীয়া যাঁহা ক সেরেঞা অনা দ বির সেরেঞ ক মেতাঃ আ। সেদায় দ কুড়ি হপন হঁ নিচল বিররে আড়াঃ সিৎ, সাকাম হেচ্ অকতে বির সেরেঞ ক সেরেঞ এৎ তাঁহেৎ। সেরেঞ রেয়াঃ কাথা করে লাজাও সরম মেনাঃ তে আতো খনাঃ সাহারে, মেতাংমে বির বুরুরে নওয়া দ ক সেরেঞা আর অনা হতেতেগে জাঁনিচ্ বির সেরেঞ ক এ্যুতুমাকাদা। যাঁহায় নওয়া সেরেঞ ক চারচায়া, উনকুদ ‘সিংরৗই’ ক মেতা কওয়া।
• ৮) পাতা সেরেঞ: পাতা টান্ডি করে যাঁহা ক সেরেঞা অনাগে পাতা সেরেঞ দ। দুলৗড় উঁইহৗর রেয়াঃ কাথাগে তেরতেং পাতা সেরেঞ রেদ ঝালকাও আকানা।
• ৯) হেড়হেং সেরেঞ: খেত বাঁদরে কৗমি অকতে, আসকায়তে, রহয় দিন জাঁহা ক সেরেঞা অনা কদ হেড়হেং সেরেঞ ক মেতাঃ আ। নওয়া সেরেঞ রেয়াঃ রাহা দ রাঃ এৎ রদনেৎ লেকাগে আটকারঃ আ। অনাতে হড় গচ্-গুর লেনখান সে ভাঁডান অকতে হঁ হেড়হেং রৗড়তেক সেরেঞা।
• ১০) কাঁহনি সেরেঞ: কাঁহনি লৗলৗই অকতে তালা তালারে সেরেঞ ক অঁড়তিয়া। অনা রৗড় দ কাঁহনি সেরেঞ ক মেতাঃ কানা।

নওয়া বেগর অবা কওয়াঃ কাঁডুনি সেরেঞ এমাম মেনাঃ আকাদা। সেদায় দ আরহঁ তিনৗঃ লেকা চ সেরেঞ তাঁহেকান অনা দ খঁদরঁদ রেয়াঃ লাকতি মেনাঃ আকাদা।

সেরেঞ রেয়াঃ ভেদ

আব রেন হাপড়াম ক ক সেরেঞকাদা--

সেরেঞ দম জমাসেম ঞুয়া
সেরেঞ দম লাং আসেম রাপাগা
সেরেঞ দ মনে রেগে সিবিলা
সেরেঞ দ সেরেঞ হাপাটিঞ!

কম কাথাতে সেরেঞ রেয়াঃ ভেদ দ নওয়া খন আর চেং হোয় দাড়েয়াঃ আ!

সানতাড়ি হড়-সেরেঞ ক তিস আর অকয়ে গাঃ আকাদা, অনা লৗই দ মুসকিল গেয়া। মেনেক, নিয়ৗ দ সৗরি বাংমা যাঁহায় মিৎ হড়াঃ গাবান দ বাং কানা আর মিৎ অকতে রেয়াঃ হঁ বাং কানা। মারাং মারাং গুরু খন এহপ্ কাতে গুতি কড়া, কৗড়মি কুড়ি লেকান কওয়াঃ হঁ গাবান সেরেঞ কানা। নওয়া ক সেরেঞ রেয়াঃ ভাব সে ভেদ বিচার লেখান হড় সেরেঞ কদ আয়মা থকরে হাঁটিঞ গানঃ আ। জেলেকা- ১) সামাজিয়ৗ সেরেঞ, ২) বিনতি সেরেঞ, ৩) বঁগাবুরু সেরেঞ, ৪) নাগাম সেরেঞ, ৫) খঁদরি মনে জিয়ন দর্শন রেয়াঃ সেরেঞ, ৬) দুলৗড় রেয়াঃ সেরেঞ এমাম।

নওয়াক মুদ খন মিৎ বার সেরেঞ ইদিকাতে নাসেনাঃ বন গালমারাও লেগে-

সামাজিয়ৗ সেরেঞ

ছৗটিয়ৗর, বাপলা আর ভান্ডান- নওয়াক পেয়া কাতেগে মানমি জিয়ন। জিয়ন রে মেনাঃ আকাং রাঃ-লাঁদা, রৗসকৗ-হমর, এ্যাপাম-বাপাগ এমাম আরহঁ আঁডি লেকান আনাটকার। নওয়াক আনৗইকৗও গাঃ গাবান কাতে যাঁহাক সেরেঞ তালাতে সদর আকানা, অনা দ সামাজিয়ৗ সেরেঞ বন মেন দাড়েয়াঃ আ।

মিৎ টেন নাওয়া গিদরৗ তিনরে নওয়া ধারতি রেয়াঃ পৗহিল মারসাল ঞেলা, উন দ আড়াঃ রেন সানাম রৗসকৗ তেক লালে চাপে গদঃ আ। সেরেঞক -

দুম কেসে দুমেডায় মিরু হপন
মিরু হপন হাল্লে কারে হপন।
হেঁও লিতিঞ হো কাঁকি কারে হপন
হবর লিতিঞ হো কাঁকি কারে হপন।

মেনখান মিরু হপন সে কারে হপন দ সারাদিন হেঁও-হবর রে মা বাং কিন তাঁহেন। হারালেন বুরুলেন খানগে হিরলৗ কাঁকিন হোয়োঃ আ। মেনখান অনাহঁ উনৗঃ আলগাতে দ গানঃ তে ? জুদি অড়ারে সমল বাং তাঁহেন, জুদি পেড়া বাংকো এমামঃ! জেলেকা --

মৗই এ হারায়েনা পেড়াগে বাং আ
বাবুই হারায়েনা সমল বৗনুঃ
মাঝি কোওয়াঃ টিংকি সাডে
লুটুঃ লুটুঃ লুটুক্ লুটুঃ
ইঞাঁঃ মনে দ লুটুঃ লুটুঃ

মচাতে জাঁহা কাথা বাং লৗইয়োগ আ, সেরেঞতে অনা সদরঃ আ। নওয়া সেরেঞ দ অনা রেয়া গে মিৎটেন সৗবুদ কানা। উমের হোয়লেন খান মিৎদিন নওয়া লিলিবিতি ধারতি ইঁ বৗগিয়াঃ হোয়োঃ আ। ইনৗঃ তে জাঁহৗ তিনৗঃ গে হন - হপন কো তাঁহেন, জাঁহৗ তিনৗঃ ধন ধুরিব তাঁহেন - অকয়হঁ বায় আঠৗড় দাড়েয়াঃ আ। আদম পুরখুল কো দ অনাতে গিদরৗ ঠেন আকোয়াঃ মনসুবা কো লৗই ওটো কাঃ আ। জেলেকা --

ধুতি সাজ কৗমীঞ বাবু, দৗহড়ি সাজ কৗমীঞ
ইঞিঞ গুজুঃ রে দ বাবু, নৗইতে ইদিঞমে।
নৗইতে ইদিঞ রেদ বাবু, তিরয়ো বাবু অরণমে
বাহাম বোহেল রেদ বাবু, মেৎদাঃ জরয় মে।

বিনতি রেয়াঃ সেরেঞ

সানতাড়াঃ বিনতি রেয়াঃ কাথা লেকাতে, পিরথিমি রেন পৗহিল উতার মানমি দ কানা কিন- পিলচু হাড়াম আর পিলচু বুডহি। উনকিন দ জলা তালারে হাঁস - হাঁসিল চেঁড়েয়াঃ বিলি খন কিন বুসৗড় লেনা। নুকিন লৗগিৎ তেগে ধৗরতি তেঁগোয় রেয়াঃ লাগতি হোয় লেনা। জেলেকা –

হায় হায় জলাপুরিরে
হায় হায় নুকিন মানওয়া
হায় হায় বুসৗড় আকান কিন
হায় হায় নুকিন মানওয়া
হায় হায় অকারে দহ কিন?
হায় হায় দুসে লৗয়ায় বেন
হায় হায় মারাং ঠাকুর জিউ
হায় হায় বুসৗড় আকান কিন
হায়হায় নুকিন মানওয়া
হায় হায় অকারে দহকিন??

আদ ধারতি বেনাওয়া এন খান হিহিড়িরে মৗনমিকো বেরেল এনা ওনকো রেন হন - হপন গে বৗই - বৗইতে খজ কামান, হারাতা, সাসাং বেডা, জৗরপি, কাঁদাহারি পারম কাতে মিৎ দিন চাম্পা দিসম তেকো সেটের এনা। তায়মতে ওঁডে খনগে সাঁত, শিখৗর, মান, বারহা, খাড়, দামপাড়া গোটাকো টাপাও কেদা। সেরেঞ মেনাঃ আ -

হিহিড়ি পিপিড়ি রেবোন জানাম লেন
খজ কামান রে বোন খজ লেন,
হারাতা রে বোন হারা লেন
সাসাং বেডা রে বোন জাঁতেনা হো !

চাম্পারে দ, বাংমা, আঁডি জুগ কো তাঁহেকানা। গেলবার পারিস রেন হড় গেলবার গটেচ্ গাড় কো বেনাও আন তাহেঁ। মেনখান অনাকো লিলিবিতি, লিখন গডহন গাড় এটাঃ কো ঠেন কো রেচ্ ওচো আকানা। দায়াগে ওনকোয়াঃ হিডির হিডির মেৎদাঃ লিগি আকানা, নিতহঁ অনাদ সেরেঞরে মেনা আ—

চাম্পাগাড় দ লিলিবিতি
বাদোলি কঁয়ডা লিখন গডহন!
দায়াগে চাম্পা - বাদোলি - কঁয়ডা
দায়াগে গাড় বন বৗগিয়াদা!

মেনখান নওয়াকো গাড় সে দিসম দ তিস আর অকারে তাঁহেকানা অনা দ খঁদর্ঁদ কাতে ঞেল রেয়াঃ লৗগতি মেনাঃ আকাদা।

নাগাম রেয়াঃ সেরেঞ

হড় হপন দ আঁডি মারে জৗত কানাব। মেনখান অল দহ নাগাম দ বৗনুঃ আকাৎ তাবনা। দিসমরে হিন্দু জুগ, বৌদ্ধজুগ, মুসলৗ জুগ, ইংরেজ জুগ এমাম তিনৗঃ জুগ হেচ্ আকানা সেন আকানা, হটাঃ সোরতে তিনৗঃ কৗপি খৗঁডা ঝালকাও আকানা – এনহঁ আবদ জিওয়েৎগে মেনাঃ বোনা, নওয়াগে সৗঁউতৗরি রেয়াঃ কাথা দ। মেনখান নওয়া লাগিৎ হুল সে লৗড়হৗই হঁ কম দ বাং হোয় আকানা। সেরেঞগে অনারেন সৗখি দ। জেলেকা সানতাড় হুল রেয়াঃ মিৎটান সেরেঞ দ নংকা –

উসীস বন অওয়ার বন
চিলি হঁ বাংকো তেঁগোন
তবে দ বোন হুল গেয়া হো !

দিশম দিশম দেশ মাঝি, পারগানা
আতো আতো মাপাজি কো
দুঃ বোন দানাং বোন বাংগেকো তেঁগোন
তবে দ বোন হুল গেয়া হো !!

আবো দিসম রেন পৗহিল উতার মায়াম গোহা (শহীদ) দ কানায় - ভাগলপুর রেন তিলকৗ মুরমু (১৭৮১)। অনা কাতে সিদু-কানহু তিকিনাঃ আয়ুরতে সানতাড় হুল (১৮৫৫), দিনাজপুরেন জিতু সানতাড়াঃ হুল, খেরওয়ার আন্দোলন (১৮৭১), তে - ভাগা আন্দোলন আর ১৯৪২ রেয়াঃ ভারত ছাড়ো আন্দোলনরে আয়মা সানতাড় জিউয়ৗ কো আলায় লেদা। ১৯০৮ সালরে ডালকুবাঁধ রেন ডমন হেমব্রম দ বিপ্লবী ক্ষুদিরাম বসুরেন বমা ততল গাতেয় তাঁহেকানা আর পুলিশ ঠেনে দাল গচ্ ওচো লেনা। ৭০ দশক রেয়াঃ নকশাল আন্দোলন আর বাংলাদেশ রেয়াঃ মুক্তিযুদ্ধ রেহঁ আয়মা সানতাড় জিউয়ি কো এম আকাদা। নওয়া ক হুল ইদি কাতে আয়মা সেরেঞ গাবান লেনা। মেনখান তুমৗল দহ বাংতে আমদা আৎ চাবা আকানা।

গাহির হুদিস সে জিয়ন দর্শন রেয়াঃ সেরেঞ

হড় হপন দ বির বুরু, গাডা মুডু তালারে তাঁহেন হড়। অনা লেকারে সিরজন (প্রকৃতি)সাঁও আকোয়াঃ সৗগৗই দ আডিতেৎ সোর - আ। দিশম আচুরঃ কান বিহরঃ কান রেয়াঃ সিখনৗত দ সিরজন খন গে কো বাডায় ঞাম আকাদা। জেলেকা –

হেসাঃ মা চটেরে, জা গোঁসায় !
তুদে দয় রাগে কান
বাড়ে মা লাওয়েররে, জা গোঁসায় !
গুতরুং মে দয় সাঁহেদা।
দেস চ আঁচুরেন, জা গোঁসায় !
তুদে দয় রাগে কান
দিসম চ বিহুরেন, জা গোঁসায় !
গুতরুং মে দয় সাঁহেদা। — — — —

থুকুম। নিত লেকা অনা পাহটা দ তাহেঁ ওচো।

মুচৗৎ রেয়াঃ কাথা

সাঁওহেৎ রেয়াঃ বিচারতে নওয়া হড় সেরেঞ রেয়াঃ গনং দ আঁডিগে ভাঁড়তিয়া। আদম আদম সেরেঞ রেদ অনড়হৈ লেকা আঁডি চেতান থাক রেয়াঃ ছন্দ, মাত্রা আর অলংকার বেওহার আকানা। জেলেকা ‘গর’ মেসা কাতে কাথা কুঁডৗউ আকানা - পোঁড়গর সাদম, ভড়োগর পুখুরি, বাহাগর বাঁদেলা, ধুবিগর ঘাস, অতেগর হাসা এমাম। অনকাগে বাহা সেরেঞরে ‘সমার্থক’ সাবাদ রেয়াঃ বেওহার আঁডি ঢের মেনাঃ আকাদা। জেলেকা - আচারে বিচারে, হররে ডাহারে, জিন্দৗয়রে এ্যুতৗয়রে, গুড়য়ালাং গালাং আলাং এমাম। আদম সেরেঞ দ রূপক লেকাতেই গাঃ গাবান আকানা।

দুক রেয়াঃ কাথা নওয়া ক সেরেঞ দ বৗই বৗইতে আৎ ইদিঃ কানা। যাঁহাক মেনাঃ রেহঁ বাঁখেড় জখান মিৎ বার কাথা ক হানতে নাতেঃ কানা। নংকা কাতে সেরেঞ রেয়াঃ মানেগে এটাঃ চালাঃ কানা। জেলেকা আদম হড় বাহা ক সেরেঞা —

‘তেহেঞ দ নায়কে ঝাঁনটি রেগেয় গিতিচ্ লেন
ঝাঁনটি রেগেয় গিতিচ্ নিয়ৗড়ো লেন’....

নডে ঝাঁনটি বাদলতে ‘জাঁটি’ রেগেয় গিতিচ্ লেন হোয়োঃ আ। ‘জাঁটি’ রেয়াঃ মানে দ হোয়োঃ কানা পাটিয়ৗ।

কাথারে মেনাঃ আ – রড়াঃ গে রৗড়ঃ আ। রৗড় লেন আনিচগে সেরেঞ রেয়াঃ সিবিল দ ঞামঃ আ। মেনখান রৗড় সুমুংদ বাং, ভাব সে ভেদ তাঁহেন আনিচ্ সেরেঞ দ ঢের দিন জিওয়েৎ তাঁহেনা। সানতাড়ি হড় সেরেঞ রেহঁ অনা গুন মেনাঃ তেগে যুগযুগ জিওয়েৎ মেনাঃ আকাদা।

আয়মা উঁইহৗর ভাবনা কাতে আবরেন আদম সুবুদিয়ৗ দ নওয়া ক সেরেঞ তুমৗল কাতে উছৗন রেয়াঃ ক কুরুমুটু আকাদা। মেনখান এনাতেহঁ নিতহঁ আয়মা সেরেঞ দানাং রেগে তাঁহেয়াকানা। নওয়া ক জগাও দহ লৗগিৎ সানাম ক উঁইহৗর ভাবনায় লৗকতি কান তাবনা।